रेडियो अन्नपूर्णको वार्षिकोत्सव

समाधान संवाददाता २०७९ वैशाख १३ गते १४:४२

पोखरा l
रेडियो अन्नपूर्णले २१ औं वार्षिकोत्सव मनाएको छ । २०५८ वैशाख १२ गते स्थापना भएको रेडियोले सोमबार बार्षिकोत्सव मनाएको हो ।

Advertisement

रेडियोका संस्थापक अध्यक्ष विश्वशंकर पालिखेले स्थापनाकालदेखि नै रेडियोले सामाजिक उत्तरदायित्व अन्तर्गत सामाजिक कार्य गर्दै आएको बताए । उनले आगामी दिनमा पनि यसलाई निरन्तरता दिइने उल्लेख गरे । पालिखेले रेडियोलाई समयानुकूल परिस्कृत गर्दै लैजाने प्रतिवद्धतासमेत जनाए ।

प्रबन्ध निर्देशक सुनयना पालिखेले स्रोता, शुभेच्छुकको साथ, सहयोग कारण रेडियोले भिन्न पहिचान बनाउन सफल भएको बताइन् । निर्देशकद्वय बिजेश पालिखे र बरदान ताङ्वे लामाले चुनौती सँगसँगै अगाडि बढनुपर्नेमा जोड दिए । कार्यक्रममा स्टेसन म्यानेजर सञ्जयकुमार मल्ल, वरिष्ठ प्रस्तोता आरजु विष्ट सल्यानी र वासुदेव मिश्रले समय सँगसँगै रेडियोलाई परिमार्जन गर्दै लैजानुपर्ने बताए ।

Advertisement

रेडियोले उत्कृष्ट कार्य गर्ने विभिन्न कर्मचारीलाई सम्मान गरेको छ । बेस्ट स्टाफ अफ दि इएरबाट मार्केटिङ म्यानेजर नारायण पौडेल सम्मानित भए । उनलाई ११ हजार १ सय ११ रुपैयाँ नगदसहित सम्मान गरियो । रेडियोका वरिष्ठ प्रस्तोता आरजु विष्ट सल्यानी, सरिता तिमिल्सिना पंगेनी, कृष्ण देवकोटा र सरु लामिछानेलाई पनि सम्मान गरिएको छ ।

तपाईको प्रतिक्रिया