लेखनाथ l
पोखरा २९ मा एमालेका नेता, कार्यकर्ता उम्मेदवारसहित चुनावी अभियानमा जुटेका छन् । यहाँ एमाले वडा अध्यक्ष प्रमोद भण्डारीको संयोजकत्वमा ५ सय १ सदस्यीय निर्वाचन परिचालन कमिटी गठन भएको छ ।
बुधबारदेखि पहिलो चरणको घरदैलो भण्डारढिक खेल मैदान पछाडिको नयाँ बस्तीबाट सुरु भएको छ । वडामा ०७४ को स्थानीय निर्वाचनमा एमाले जितेको थियो । अहिले एमालेबाट वडाध्यक्षमा श्रीप्रसाद गुरुङ, महिला सदस्यमा निर्मला पौडेल, दलित महिला सदस्यमा सुकमाया सुनार र सदस्यमा कालिदास पोखरेल र क्षेत्रबहादुर गरुङ उम्मेदवार छन् ।