पोखरा ।
पोखरा महानगरपालिका वडा नं १३का नेपाली कांग्रेसका बागी उम्मेदवार विष्णु प्रसाद बरालले पार्टीले आफूलाई अवहेलना गरेको भन्दै उम्मेदवारी दिएको बताएका छन् ।

नेपाली कांग्रेस कास्की क्षेत्र नं १ (ख) का उपसभापति समेत रहेका बरालले पार्टीले योगदानलाई अवमूल्यन गर्दै गरेको एकलौटी निर्णय आफूलाई अमान्य रहेको बताए । उनले भने‘मलाई एकपटक सोधपुछ पनि गरिएन । पार्टीले जे गरे गरोस् । कारवाहीको मतलब छैन ।’

उम्मेदवार बरालले आफू डेढ सय मतले जित्ने दाबी गरेका छन् । भन्छन्‘म जित्ने गरि लागेको छु । डेढ सय मतले जित्छु ।’

यसअघिको निर्वाचनमा पोखरा १३बाट नेकपा एमालेका दर्शन लामाले झण्डै एक हजार मतान्तरले जित हासिल गरेका थिए ।