पोखरा ।

पोखरा महागर पालिकाको मेयरमा स्वतन्त्र उम्मेदवारी दिएका नेपाली कांग्रेसका नेता विमलबहादुर कार्कीले लाल्टिन चुनाव चिन्ह पाएका छन् । निर्वाचन तालिका अनुसार शनिबार मुख्य निर्वाचन अधिकृतको कार्यालयले सबै उम्मेदवारहरुलाई चुनाव चिन्ह प्रदान गरेको हो । त्यस क्रममा कार्कीले लाल्टिन चिन्ह पाएका हुन् ।

पोखराको मेयरमा कांग्रेसले उम्मेदवारी दिन नपाएको भन्दै कार्कीले वागी उम्मेदवारी दर्ता गराएका हुन् । अरु दुई वागी उम्मेदवार ऋषि सापकोटा र नन्द तिवारीले भने मनोनयन शुक्रबारै फिर्ता लिएका थिए । कांग्रेससहितको सत्ता गठबन्धनका दलबाट एकीकृत समाजवादीका धनराज आचार्य पोखराको मेयरका उम्मेदवार छन् । एमालेबाट कृष्ण थापा मेयर उम्मेदवार छन् ।