कृषि र पर्यटनको विकास मेरो पहिलो प्राथमिकता ःएमाले उम्मेदवार थकाली

समाधान संवाददाता २०७९ वैशाख १७ गते १९:१७
फोटो ः अध्यक्ष पदका उम्मेदवार सञ्जयकुमार थकाली

जोमसोम १६ बैशाख
नेकपा एमालेका तर्फबाट मुस्ताङको घरपझोङ गाउपालिकाको अध्यक्ष पदमा उम्मेदवारी दिएका संञ्जयकुमार थकाली २०५४ सालमा पूर्व जिविस सदस्य थिए ।उनी घरपझोङ १ चिमाङका बासिन्दा हुन् । बैशाख ३० गते हुने स्थानीय तह निर्वाचनमा एमालेले उनलाई अध्यक्ष पदमा उभ्याएको हो । गाउँको कृषि पेशामा सक्रिय रहेका उनी पछिल्लो समय काठमान्डौंमा होटल ब्यवसाय संञ्चालन गर्देैआईरहेका थिए ।
पेशाले पर्यटन व्यवसाय भएको र त्यसअघि उनी कृषि जिवनमै व्ययतित गरेकाले उनलाई सबैभन्दा प्राथमिकताको बिषय बनेको छ कृषि र पर्यटन क्षेत्रको विकासमा योगदान दिने रहर । कृषि ,पशुपालन र पर्यटनको प्रचूर संम्भावना भएको हिमालपारिको जिल्ला मुस्ताङमा आफुले अध्यक्ष पदमा बिजयी बनेमा घरपझोङ गाउपालिकालाई नमूना गाउपालिकाको रुपमा विकास गर्ने प्रतिवद्धता व्यक्त गरेका छन् । उनले मुस्ताङमा बर्सेनि ६० हजार विदेशी पर्यटक र ५ लाख बढी आन्तरिक पर्यटक आउने भएपनि पर्यटकीय पूर्वाधारको अभावले यहाको पर्यटनमा आर्थिक प्रगती हुन नसकेको बताए ।
निर्वाचनमा बिजयी भएमा पहिलो वर्षमा आशा लाग्दो उदाहरणीय कार्य गरेर देखाउने अध्यक्ष पदका उम्मेदवार थकालीको भनाई छ ।‘लाखौ पर्यटक मुस्ताङ आउछन् ,जान्छन् ,उनीहरुले भुलाउने पर्यटकीय गन्तब्य छैन,उनले भने,‘अब हामी आयौं भने पर्यटक भुलाउन मार्ग खोज्छौं ,विज्ञहरुको राय सल्लाह लिएर काम अघि बढाउछौं ।’उनले मुस्ताङको अर्थतन्त्र कृषि र पर्यटन भएकाले कृषि र पशुपालनलाई बैज्ञानिक तथा उत्पादनशील बनाई आर्थिक स्वरोजगार सृजना गर्ने बताए । पछिल्लो समय जलवायु परिवर्तनका कारण वातावरणीयक्षेत्रमा नकारात्मक प्रभाव परेको र यसबाट यहाको रैथाने स्याउ खेती र पशुपालन संकटमा परेकाले त्यसको अनुकुलनका लागि ठोस योजना बनाएर यहाको कृषि र पशुपालन व्यवसायलाई सरक्षण गर्न जोड दिने उनको भनाई छ । मुस्ताङमा कृषि र पर्यटनको अथाह संम्भावना भएकाले कृषि र पशुपालनमा विशेष अनुदानका कार्यक्रम तर्जुमा गर्ने उनले उल्लेख गरे ।
एमाले उम्मेदवार थकालीले गाउँपालिकाको आर्थिक अनुसार र पालिकाको आर्थिक विकासका कामलाई पारदर्शी ढंगले सञ्चालन गर्ने बताए । कतिपय क्षेत्रमा अनुउत्पादकक्षेत्रमा पालिकाको बजेट खेर गईरहेको उल्लेख गर्दै थकाली अब त्यस्ता कार्य रोक्न र आउटपुट देखिन विकासमा बजेट लगानी गर्नुपर्ने उनले सुनाए ।पालिका भित्र स्वास्थ्यक्षेत्रलाई फराकिलो र सेवामैत्री तुल्याउने र शिक्षा,प्राकृतिक सम्पदाहरुको संरक्षण र त्यसको सदुपयोग गर्नेतर्फ ध्यान जाने थकालीको भनाई छ ।गएको ५ वर्ष संघ,प्रदेश र स्थानीय निकायबाट सडक पूर्वाधार विकासमै बढी जोड दिईएको उल्लेख गर्दै अब सडक पूर्वाधार विकास छोडेर आर्थिक विकासको स्रोत जुट्ने काम बढी प्राथमिकता दिने बताए ।
एमालेका अध्यक्ष पदका उम्मेदवार थकालीले जनताको घरदैलोमा पुगेर गरिएको प्रतिवद्धतालाई आत्मसाथ गरी कार्यान्वयनमा जोड दिने जनाए ।उम्मेदवार थकालीले पेशा व्यवसाय आर्थिक सुधारका लागि गरिने र राजनिति केवल विशुद्ध सामाजिक सेवाको भाव जागृत हुनुपर्ने बताए ।

Advertisement

Advertisement

तपाईको प्रतिक्रिया