पोखरा १५ मा एमालेको र्‍याली

समाधान संवाददाता २०७९ वैशाख १८ गते १२:०४

पोखरा l
नेकपा एमाले वडा नं –१५ ले शनिबार र्‍याली निकालेको छ । बिहान ९ बजे कोलपाटनबाट सुरु भएको र्‍यालीमामा उम्मेदवारसहित कार्यकर्ता तथा समर्थक सहभागी थिए ।

Advertisement

एमाले पोखरा १५ का इन्चार्ज प्रकाश पौडेलले समग्र देश तथा वडाको विकास र परिवर्तन नेकपा एमालेका उम्मेद्वारबाट मात्र सम्भव रहेको बताए । वडाबासीले नेकपा एमालेलाई निर्वाचित गराएपछि ५ वर्षमा थुप्रै विकास निर्माणका काम भएको बताए । उनले भने, ‘तस्बिर आफैं बोल्छ, हामीले भनिरहनु पर्दैन, धेरै काम गरेका छौं ।’

वडाध्यक्ष पदका प्रत्यासी तोरणबहादुर बानियाँले प्रचण्ड घाममा समर्थकको उत्साहजनक सहभागिता देख्दा हौसला थपिएको बताए । उनले स्वच्छ छवि, मन वचन र इमान्दारीका साथ आफ्नो वडालाई राम्रो बनाउने अभियानमा लाग्न अनुरोध गरे।
एमाले पोखरा १५ का अध्यक्ष खेमबहादुर थापाले ०५४ सालदेखि वडामा नेकपा एमालेले जित हासिल गर्दै आएको र यो यसपालि पनि कायम रहने उल्लेख गरे ।

Advertisement

तपाईको प्रतिक्रिया