पोखरा l
अटेरी समूहका अभियन्ता अशोक खड्कालाई जिल्ला प्रहरी कास्कीले आइतबार पक्राउ गरेको छ । मुख्य निर्वाचन अधिकृतको कार्यालयले अटेरी समूहलाई दिएको चुनाव चिन्ह लौरो फिर्ता लिँदा रुष्ट बनेका समूहका सदस्यले शनिबार मुख्य निर्वाचन अधिकृतको कार्यालय अघिल्तिर नाराबाजी सहित विरोध जनाएका थिए । नाराबाजी गर्ने क्रममा उच्छृङ्खल क्रियाकलाप गरेको भनेर निर्वाचन सम्बन्धी कसुरमा खड्कालाई पक्राउ गरेको जिल्ला प्रहरी कार्यालय कास्कीका डिएसपी सुन्दर तिवारीले जानकारी दिए ।