पोखरा ।
सवारी दुर्घटनामा परेर बाबुछोरीको मृत्यु भएको छ । आइतबार पर्वतको कुश्माबाट पोखरा फर्किँदै गर्दा विपरीत दिशाबाट आएको कारले ढिकुरपोखरीको लेवाडेमा मोटरसाइकललाई ठक्कर थियो ।

बुबा जीतबहादुर पुन र छोरी सुजिना तिलिजा पुनको मृत्यु भएको जिल्ला प्रहरी कार्यालय कास्कीले जनाएको छ । बुबा ४५ वर्षीय जीतबहादुरको पोखराको मेट्रोसिटी अस्पतामा सुजिनालाई चिकित्सकले मृत घोषित गरेको थियो । जीतबहादुरको उपचार हुँदाहुँदै सोमबार बिहान निधन भएकाे उनका आफ्न्तले बताए । अहिले सुजिनाको शव पोखरा स्वास्थ्य विज्ञान प्रतिष्ठानमा राखिएको छ ।

स्थानीयका अनुसार कारले घुम्तीमा अर्को बसलाई ओभरटेक गर्दै हुइँकिदा कारले मोटरसाइकललाई ठक्कर हो । कार चालक चालक पर्वतस्थित जलजला गाउँपालिका खनियाँघाटका एन्जल बम मल्ललाई फरार रहेको प्रहरीले जनाएको छ । साेमबार पाेखरा गैह्रापाटनथित जिल्ला प्रहरी कार्यालय कास्कीसमेत घेराउ गरेका थिए । चालकले मापसे गरेको स्थानीयले बताएका छन् । घटनापछि चालक फरार छन् ।

सोमबार सडक अवरुद्ध गरिरहेका स्थानीयहरुले चालकलाई पक्रिएर कानुनी दायरामा नल्याउँदासम्म शव नबुझ्ने बताए ।