पोखरा ।
अटेरी अभियानबाट पोखरा १४ का वडाध्यक्षमा सुजन कार्कीको उम्मेदवारी छ । भ्रष्टाचारीलाई ढाडमा बजाउने र कमजोरलाई हातमा थमाउने भन्दै कार्कीले लौरो चुनाव चिन्हसहित आफ्नो चुनावी अभियान चलाएका छन् । अटेरी अभियानबाट पोखराको मेयरमा गनेस पौडेलको उम्मेदवारी छ । पौडेलले स्थानीय तहको निर्वाचन दलीय हुन नहुने भन्दै अभियान चलाएका छन् ।

पुराना दलहरुबाट पार नलागेको हुँदा आफूहरु पोखराको नेतृत्वमा जान चाहेको र पोखरालाई बुटिक सहर बनाउने उनले बताएका छन् । समाधान दैनिकको २० गते प्रकाशित पोखराका वडाध्यक्ष उम्मेदवारको अन्तिम नामावलीमा अटेरीबाट पोखराका १४ का उम्मेदवार सुजन कार्कीको नाम छुट्न गएकोमा क्षमा याचनासहित सच्च्याएका छौं ।