पोखरा l
पोखरा महानगरपालिकाको मेयर, वडा अध्यक्ष लगायत सदस्यमा उम्मेदवारी दिएको राष्ट्रिय नागरिक पार्टीले चुनावी अभियान सुरु गरेको छ ।

पोखरा महानगरपालिका वडा नं. ९ को खुला सदस्य पदमा उम्मेदवारी दिएका कृष्ण रानाभाटले निर्वाचन आचारसंहिता पालना गर्दै मतदाताको घरदैलोमा गई आफ्ना एजेन्डा राख्दै प्रचारप्रसार थालेका छन् । उनले पोखराको मुख्य बजार महेन्द्रपुल, साँधुमुख, नयाँबजार क्षेत्रमा घरदैलो गर्दै आफ्नो दलका उम्मेदवारलाई जिताउन चंगा चिन्हमा भोट हाल्न आग्रह गरेका छन् । मतदानमा विना संकोच, विना डरत्रास सक्रिय सहभागी भई सहि तरिकाले मतदान गर्न पनि उनले अनुरोध गरे ।

राष्ट्रिय नागरिक पार्टीबाट पोखराको मेयरमा सृजनादेवी रिजाल कार्की, पोखरा २१ मा वडा अध्यक्ष पदमा लक्ष्मण सुनार, महिला सदस्यमा तुलकुमारी थापामगर, दलित महिला सदस्य नारायणी परियार र खुला सदस्यमा प्रदीप सुनार र विष्णुबहादुर थापाले उम्मेदवारी दिएका छन् ।