पोखरा l
पटक पटक माग गर्दा पनि सुनुवाइ भएन । बढ्दो सहरीकरणले व्यवसाय सञ्चालनमा आएका समस्याले आजित गण्डकी अटो मेकानिकल वक्र्सले पोखरा महामनगर प्रमुख पदका उम्मेद्वार गनेस पौडेललाई कार्यालयमा बोलाएर समस्या सुनाएको छ ।
अन्य राजनीतिक दलसँग पटक पटक माग गर्दा पनि सुनुवाइ नभएपछि पोखरा महानगर प्रमुख पदका प्रत्यासी पौडेललाई बोलाएर समस्या सुनाइएको हो । मेकानिकल वक्र्स समूहको समस्या सुनेपछि अटेरी समूहका परिकल्पनाकार तथा महानगर प्रमुख पदका प्रत्यासी पौडेलले चुनाव नजिते पनि यसका लागि पहल गर्ने प्रतीज्ञा गरे ।

हरेक सहरमा अटोल्यान्ड हुनुपर्ने बताउँदै उनले नेताहरुसँग तमसुक तयार पारेर हस्ताक्षर गराउनसमेत लगाएका छन् । ‘मैले चुनाव जितेँ भने त गर्ने नै भएँ । नजिते पनि यसको लागि पहल गर्ने छु,’ उनले भने । पौडेलले जिम्मेवारी बाहिर रहेर पनि अटेरी समूहले दबाब सिर्जना गर्ने प्रतिबद्धता जाहेर गरेका छन् । मेकानिकल वक्र्सले पौडेललाई जितको शुभकामना दिएको छ ।