पोखरा l
पर्वतकी दुर्गा आचार्य उत्कृष्ट अभियन्ता पुरस्कार २०७९ बाट सम्मानित भएकी छन् । आइटीमा उच्च शिक्षा अध्ययनरत दुर्गा विद्यालय शिक्षामा कहिल्यै पनि दोस्रो भइनन् । समाजका विकृति र विसङगति सुधार्ने र सूचनाको मौलिक हकलाई नागरिकसमक्ष पुर्‍याउन उनको योगदान छ ।

राष्ट्रिय सूचना आयोगले गरेको कार्यक्रममा उपराष्ट्रपति नन्दकिशोर पुनले उनलाई नगद, प्रमाणपत्रसहित सम्मान गरे । उनलाई विनय कसजू उत्कृष्ट अभियन्ता पुरस्कार प्रदान गरिएको हो । आयोगले उत्कृष्ट सूचना अधिकारीका पुरस्कारका रुपमा ५ जना सरकारी कर्मचारीलाई पनि पुरस्कृत गरेको छ ।