पोखरा ।

निर्वाचन आचार संहिता उल्लंघन गरेको आरोपमा पक्राउ परेका अटेरी अभियानका अशोक खड्का धरौटीमा रिहा भएका छन् । जिल्ला अदालत कास्कीको आदेशमा शुक्रबार उनी रिहा भएका हुन् । अदालतले ५५ सय रुपैयाँ धरौटीमा खड्कालाई रिहा आदेश गरेको जानकारी अदालत स्रोतले दिएको छ ।

उम्मेदवारहरुलाई चुनाव चिन्ह प्रदान गर्ने दिन १७ गते उनी पक्राउ परेका थिए । अटेरी अभियानका उम्मेदवारलाई लौरो चिन्ह दिएर पनि फेरि खोसिएको भन्दै अभियानले विरोध प्रदर्शन गरेको थियो । त्यस क्रममा निर्वाचन आचार संहिता विपरीत धाक धम्कीपूर्ण नाराबाजी गरेको आरोपमा खड्का पक्राउ परेका थिए ।