पाेखरा ।

नेकपा एसका अध्यक्ष माधवकुमार नेपालले दम्भले केपीको विनास गरेको बताएका छन् । उनले अरुलाई पनि दम्भ नराख्न आग्रह गरे । उनले भने, ‘दम्भ राख्नुभयो भने विनास हुन्छ । सबैको सम्मान गर्न सक्नुपर्छ ।’

५ दलीय गठबन्धनको सभालाई आइतबार पोखरामा सम्बोधन गर्दै नेपालले राजनीति गर्दा दुरदृष्टि राखेर चल्न सक्नुपर्ने बताए । ‘सबैको शक्तिलाई समेटेर लैजाने कोसिस गर्नुभएको छ । मेयर र उपमेयरमा त मिलाउन सक्यौं, वडाहरुमा मिलाउन सकेनौं,’ उनले भने, ‘पालिकाहरुमा मिलाउन सकेनौं । कतिपय ठाउँमा मिलाएका छौं । कतिपय ठाउँ मित्रतापूर्ण प्रतिस्पर्धा गरेका छौं । विरोधका लागि चुनावी मैदानमा आएका होइनौं । गरेर देखाउनका लागि, सकारात्मक दिशामा देशलाई लैजानका लागि हो ।’