पोखरा l
पोखरा महानगरपालिका एमाले उपमेयरकी उम्मेदवार मन्जुदेवी गुरुङले ‘एमाले कहिल्यै झुठो बोल्दैन जे बोल्छ त्यो पुरा गर्छ’, भनेकी छन् । गत निर्वाचनमा विजयी भएपछि एमालेले असहज परिस्थितीमा पनि विकासका थुप्रै काम गरेर जनताको मनमा बस्न सफल भएको बताएकी छिन् ।

पोखरामा सोमबार आयोजित चुनावी सभालाई सम्बोधन गर्दै गुरुङले ‘पहिला न्याय नपाए गोरखा जानु भन्थे अहिले न्याय नपाए पोखरा जानु भन्ने’, बनाएको बताइन् । ‘एमाले पार्टी एक मात्र जनताको रोजाइको पार्टी हो, एमाले भनेर दिनानुदिन जनता, अन्य पार्टीका नेता, कार्यकर्ताहरु एमालेमा प्रवेश गरिरहनु भएको छ’ उनले भनिन् ।