पोखरा l
आगामी वैशाख ३० मा हुने स्थानीय तह निर्वाचनको तयारी लगभग सबै पुरा भएको निर्वाचन आयोगले जानकारी दिएको छ । मतपत्र सबै जिल्लामा पुगिसकेको र मुख्य निर्वाचन अधिकृतको कार्यालयबाट निर्वाचन अधिकृतलाई बुझाउने काम भइरहेको आयोगले बताएको छ । मतदानमा खटिने अधिकृतदेखि सबै कर्मचारी सम्बधित केन्द्रमा चाँडै पुग्ने आयोगको भनाई छ ।

नया मतदातालाई सम्बन्धित मतदान केन्द्रबाट मतदान अधिकृतले वैशाख २८र २९ मा परिचयपत्र वितरण गर्ने अधिकारीको भनाई छ । पुरानो मतदाता परिचयपत्र हराएको वा प्रयोग योग्य नभएका मतदातापत्रको माग गर्दै निवेदन पेस गरेकालाई पनि सोहि दिन परिचयपत्र वितरण गरिनेछ ।

देशभर एक करोड ७७ लाख ३३ हजार ७२३ मतदाता रहेका छन् । दश हजार पाँच सय भन्दा बढि मतदान स्थल र २२ हजार मतदान केन्द्र तोकिएका छन् । निर्वाचन आयोगका अनुसार यसपालिको चुनावमा २४ लाख भन्दा बढि नया मतदाता थपिएका छन् ।