युन सुक योलले दक्षिण कोरियाको राष्ट्रपतिको सपथ लिएका छन् । राजधानी सिउलको नेसनल एसेम्बलीमा आयोजितसमारोहमा योलले दक्षिण कोरियाको १३ औं राष्ट्रपतिको रूपमा सपथ लिएका हुन् ।

आणविक हतियार सम्पन्न उत्तर कोरियासँग तनाव बढिरहेका बेला योलले सपथ लिएका हुन् । ‘म जनतासामु गम्भीरताका साथ सपथ लिन्छु कि म राष्ट्रपतिका कर्तव्य इमानदारीका साथ पूरा गर्नेछु’, सपथमा उनले भने । नवराष्ट्रपति सुक योलले आफूले उत्तर कोरियासँग वार्ताको ढोका सधैँ खुला राख्ने पनि बताए । ‘हामी सबै समस्याको समाधान शान्तिपूर्ण रूपमा वार्ताबाट गर्न सकिन्छ भन्ने विश्वास गर्छौँ। त्यसैले हामी सबैसँग वार्ताको ढोका खुला राख्दछौँ’, उनले भने ।

एजेन्सी