एसओएसमा विद्यार्थी बिदाइ

समाधान संवाददाता २०७९ वैशाख २९ गते १६:०५

पोखरा l
एसओएस हर्मन माइनर स्कुल गण्डकीका कक्षा १२ मा अध्ययनरत विद्यार्थीलाई बिदाइ गरिएको छ । को बिदाइ समारोह सम्पन्न भएको छ । कक्षा ११ का विद्यार्थीको आयोजनामा भएको समारोहमा उज्ज्वल भविष्यको कामनासहित विद्यार्थीलाई बिदाइ गरिएको हो ।
कार्यक्रममा राष्ट्रिय शिक्षा बोर्ड गण्डकी पोखरा प्रमुख विष्णुनारायण श्रेष्ठ, एसओएस गण्डकीका कार्यवाहक परियोजना निर्देशक प्रदीपभक्त आचार्य र विद्यालयका संयोजक खगेन्द्रराज बरालले विद्यालयले प्राप्त गरेको सफलताको चर्चा गरे ।

समारोहमा विद्यालयमा अध्ययन गरेका एमबिबिएस, बिई, कृषिविज्ञान, वनविज्ञान तथा राष्ट्रका विभिन्न क्षेत्रमा उत्कृष्टता हासिल गर्न सफल भूतपूर्व विद्यार्थीलाई सम्मान गरिएको थियो । राष्ट्रिय शिक्षा बोर्ड गण्डकी पोखराका प्रमुख विष्णुनारायण श्रेष्ठले गुणस्तरीय शिक्षाको माध्यमबाट बर्सेनि उत्कृष्ट नतिजा प्राप्त गर्न सफल एसओएस गण्डकी नमुना विद्यालय भएको बताए ।

समारोहमा कक्षा १२ की छात्रा समीक्षा अधिकारी र कक्षा ११ का विद्यार्थीद्वय आयुष्मा भण्डारी र आयुष अधिकारीले पनि बोलेका थिए ।

तपाईको प्रतिक्रिया