पोखरा ।

पोखरा महानगरपालिकामा नयाँ जनप्रतिनिधि चयन गर्न भएको स्थानीय तह निर्वाचनमा मतगणना ३१ गते शनिबारबाट हुने भएको छ ।

मुख्य निर्वाचन अधिकृत श्रीकृष्ण भट्टराईका अनुसार शुक्रबार बेलुका अबेरमात्रै सबै वडाका मतपेटिका आउने सम्भावना छ । शनिबार सर्वदलीय बैठक गरी मतगणना सुरु गरिने जानकारी भट्टराईले दिए ।

सबै मतपेटिका उपत्यका नगर विकास समिति र जिल्ला समन्वय समितिका हलहरु ल्याएर राख्ने योजना छ । मतगणना पनि यिनै ठाउँमा हुनेछ ।

नगर विकास समितिका २ र जिससका ३ ठाउँमा मत पेटिका राखेर गन्ने तयारी मुख्य निर्वाचन अधिकृतको कार्यालयले गरेको छ । नगर विकास समितिका २ हलमा २/२ खाल र जिससका ३ ठाउँमा २/२ खाल बनाइ ८ खालमा मतगणना गर्ने तयारी छ ।

मतदान सकिएको छ । तर कति मत खस्यो भन्ने जानकारी आउन बाँकी छ ।

पोखराको मेयरमा एमालेबाट कृष्ण थापा, नेकपा एसबाट धनराज आचार्य उम्मेदवार छन् । रा्प्रपाबाट शंकर खराल मेयरको उम्मेदवार छन् । लेखक गनेस पौडेल स्वतन्त्र लगायत गरी विभिन्न दल र स्वतन्त्र मेयर उम्मेदवारको संख्या २३ छ ।