पोखरा ।
स्थानीय तहको निर्वाचनमा कास्कीको रुपा गाउँ पालिकाका ३ वडामा नेकपा (एमाले) का वडा अध्यक्षसहित सबै वडा सदस्य निर्वाचित भएका छन् । रुपाको १ वडामा नेपाली कांग्रेसका वडा अध्यक्षसहित वडा सदस्य निर्वाचित भएको मतदान अधिकृत रुद्रप्रसाद सुवेदीले जानकारी दिए ।

रुपा वडा नम्बर २ को अध्यक्षमा नेकपा (एमाले)का राजन सुवेदी ५ सय २१ मत ल्याएर विजयी भएका छन् । उनका प्रतिस्पर्धी नेपाली कांग्रेसका विष्णुप्रसाद ओझा ३ सय ६० मत ल्याएर पराजित भएका छन् । वडा नम्बर ३ को अध्यक्षमा नेकपा (एमाले)का दीपेन्द्र गौतम ४ सय ९२ मत ल्याएर निर्वाचित भएका छन् । उनका प्रतिस्पर्धी नेपाली कांग्रेसका भरतबहादुर खत्रीले ४ सय २८ मत ल्याएर पराजित छन् ।

रुपा वडा नम्बर ४ को अध्यक्षमा मुकुन्द वंशी ५ सय ८९ मत ल्याएर विजयी भएका छन् । उनका प्रतिस्पर्धी नेपाली कांग्रेसका राजन सेन ठकुरीले ४ सय ११ मत पाएको मतदान अधिकृत सुवेदीले जानकारी दिए । रुपा गाउँपालिकाको वडा नम्बर १ को अध्यक्षमा नेपाली कांग्रेसका रामबहादुर गोदार ७ सय ७९ मत ल्याएर निर्वाचित भएका छन् । उनका प्रतिस्पर्धी नेकपा (एमाले)का शिव खनाल ३ सय ६२ मत ल्याएर पराजित भएका छन् ।