जोमसोम–स्थानीय तह सदस्य निर्वाचनमा बिजयी भएका लोमान्थाङ गाउँपालिकाका ३ जना वडाध्यक्षले वडाको काम घरदैलोसम्म पुर्‍याउने पहिलो निर्णय गरेका छन् ।

बुधबार लोमान्थाङ गाउँपालिका ५ वटै वडामा भएको पदबहाली गर्ने क्रममा लोमान्थाङ २ का वडाध्यक्ष कर्मानाम्गेल गुरुङ,वडा ३ का वडाध्यक्ष आङजेन गुरुङ र वडा ४ का वडाध्यक्ष छिरिङ धोन्डुप गुरुङले असाहाय,अपाङ्ता र जेष्ठ नागरिकहरुको सुविधाका लागि वडाको सम्पूर्ण काम उनीहरुको घरदैलोमा पू¥याउने निर्णय गरेका हुन् ।

भौगालिक रुपले विकट उपल्लो मुस्ताङमा असाहाय,अपाङ्गता र जेष्ठ नागरिकलाई वडा कार्यालयसम्म पुगेर सेवा लिन अप्ठेरो पर्ने भएकाले वडाले नै जनताको घरदैलो पुगेर सबै काम गर्ने लोमान्थाङ–२ का वडाध्यक्ष कर्मा नाम्गेल गुरुङले उल्लेख गरे ।
यस्तै,मंगलबार लोमान्थाङ गाउँपालिकाका लागि निर्वाचित अध्यक्ष टसबी नर्बु गुरुङ र उपाध्यक्ष छयुमी बिष्ट गुरुङले पदभार ग्रहण गरे ।उनीहरुले निर्वाचनको बेला जनतासंग गरिएका प्रतिवद्धता पूरा गर्न आफुहरु समर्पित भएर लाग्ने बताएका छन् ।
पालिका अध्यक्ष गुरुङले भने,‘जनता सर्वेसर्वा भगवान हुन् । भगवान मन्दिरमा रहने रहन्छन् । हामी त्यही मन्दिरमा बाँस बसिसकेका छौ । अबको ५ वर्षीय कार्यकाल त्यही मन्दिरमा पुजारी भई पुजापाठमा बिताउँछौं ।’