बागलुङ l
बागलुङको काठेखोला गाउँपालिका अध्यक्षमा नेपाली काँग्रेसका राजु थापा विजयी भएका छन् । थापाले ७ हजार ७५१ मत प्राप्त गरे । उनका प्रतिद्वन्दी नेकपा एमालेका डिलबहादुर कार्कीले ६ हजार ३७६ मत प्राप्त गरे । उपाध्यक्षमा राष्ट्रिय जनमोर्चाका तेजबहादुर थापा निर्वाचित भएका छन् । थापाले ६ हजार ७१२ मत प्राप्त गर्दा नेकपा एमालेकी कोपिला कुमारी पुनले ६ हजार ४४८ मत प्राप्त गरिन ।

गाउँपालिकाको वडा नम्बर १ मा नेपाली काँग्रेसका खड्क थापा ९ सय १५ मत सहित विजयी भएका छन् । वडा नम्बर २ को अध्यक्षमा नेकपा एमालेका विद्यापति शर्मा १ हजार ३० मत सहित विजयी भएका छन् ।

वडा नम्बर ३ मा नेकपा एमालेका कुलबहादुर विक ८ सय ९६ मत, वडा नम्बर ४ को अध्यक्षमा राष्ट्रिय जनमोर्चाका लक्ष्मण पुन १ हजार ५३२ मत, वडा नम्बर ५ मा नेपाली काँग्रेसका ज्ञामनाथ कंडेल ८ सय ८९ मत, वडा नम्बर ६ को अध्यक्षमा नेपाली काँग्रेसका वृहस्पती शर्मा ६ सय ९ मत, वडा नम्बर ७ को अध्यक्षमा नेकपा एमालेका प्रेम लामिछाने १ हजार ७९७ मत र वडा नम्बर ८ को अध्यक्षमा नेपाली काँग्रेसका परमानन्द कंडेल ९ सय २५ मतले विजयी भएका छन् ।