जोमसोम–

हिमाली जिल्ला मुस्ताङमा भएको प्रथम प्रधान सेनापती अन्तराष्ट्रिय हाईअल्टिच्युड ट्री एडभेन्चर प्रतियोगिता अन्तर्गत साईकलिङ,रनिङ र क्लाईमिङमा त्रिभुवन आर्मी ए समुहको हिमाल टमाटा र मानबहादुर थापा मगर च्याम्पियन बनेका छन् । महिला ट्री एडभेन्चरतर्फ हिमालयन गल्सकी भुमी बुढामगर र ईन्द्रकला नेम्वाङ च्याम्पियन बनेका छन् ।शनिवार मुस्ताङको जोमसोममा सम्पन्न ट्री एडभेन्चर प्रतियोगितामा त्रिभुवन आर्मीका ए का हिमाल टमाटा र मानबहादुर थापामगरले १ घण्टा १५ मिनेट २ सेकेन्डमा निर्धारित दुरी तय गरी च्याम्पियन बने । यस्तै,महिलातर्फ हिमालयन गल्सकी भुमी बुढामगर र ईन्द्रकला नेम्वाङले १ घण्टा ४३ सेकेन्ड २३ मिनेटमा निर्धारित दुरी तय गरी च्याम्पियन बने ।
प्रथम अन्तराष्ट्रिय हाईअल्टिच्युड ट्री एडभेन्चर प्रतियोगिताको पुरुषतर्फ त्रिभुवन आर्मी बि समुहका बशन्त थारु र नवराज न्यौपानेले दोश्रो भए । उनीहरुले १ घण्टा १७ मिनेट १६ सेकेन्डमा निर्धारित दुरी पार गरी दोश्रो स्थान हासिल गरेका हुन् ।पुरुषतर्फ सी ग्रुपका कमल ओली र प्रेमसिंह मन्यालले १ घण्टा र २१ मिनेट ३० सकेन्डमा निर्धारित दुरी तय गरी तेश्रो भए ।
महिलातर्फ त्रिभुवन आर्मी ए समुहकी उषा खनाल र मञ्जु कुमारी खड्काले १ घण्टा ४३ सेकेन्ड २३ सेकेन्डमा निर्धारित दुरी तय गरी दोश्रो भए भने त्रिभुवन आर्मी सी समुहकी केशरी थापामगर र सुधा राईले २ घण्टा १८ सेकेन्डमा निर्धारित दुरी तय गरी तेश्रो भए ।
यस्तै प्रथम अन्तराष्ट्रिय हाईअल्टिच्युड ट्री एडभेन्चर प्रतियोगितमा बेस्ट अन्तराष्ट्रिय टिमको उपाधि भारतले पाएको छ ।प्रतियोगिताको पुरुषतर्फको च्याम्पियन बनेको त्रिभुवन आर्मीका हिमाल टमाटा र मानबहादु थापामगरको समुहरुले नगद ३ हजार डलर मेडल,ट्रफी र प्रमाणपत्र पाएको छ । दोश्रो हुने त्रिभुवन आर्मी बि का खेलाडी बशन्त थारु र नवराज न्यौपानेले नगद २ हजार डलर मेडल , ट्रफी र प्रमाणपत्र जितेको छ । यस्तै पुरुषतर्फ तेश्रो हुने त्रिभुवन आर्मीकै समुह सीको कमल ओली र प्रेमंिसहले नगद १ हजार डलर मेडल, ट्रफी र प्रमाणपत्र प्राप्त गरेको छ ।

प्रथम ट्री हाईअल्टिच्युड एडभेन्चर प्रतियोगिताको महिलातर्फ च्याम्पियन हुने टोलीले नगद ३ लाख,दोश्रो हुनेले २ लाख र तेश्रो हुने टोलीले १ लाख नगदसहित मेडल ,ट्रफी र प्रमाणपत्र पाएको छ । प्रतियोगितको तेश्रो हुने टोलीलाई सैनिक तालिम महानिर्देशक उपरथी सिताराम खड्का ,दोश्रो हुने टोलीलाई रक्षा सचिव किरणराज शर्मा र च्याम्पियन हुने टोलीलाई नेपाली सेनाका प्रधान सेनापती प्रभुराम शर्माले नगद ,प्रमाणपत्र,ट्रफी र प्रमाणपत्रले पुरस्कृत गरे ।
हिमाली जिल्ला मुस्ताङमा नेपाली सेनाले पहिलो पटक प्रथम अन्तराष्ट्रिय हाईअल्टिच्युड ट्री एडभेन्चर प्रतियोगिता आयोजना गरेको हो । नेपाली सैनिक शारिरीक तालिम तथा खेलकुद केन्द्रको समन्वयमा भएको प्रतियोगितमा नेपालसहित भारत,बेलायत र बङ्गलादेशका खेलाडीले सहभागी जनाएको नेपाली सेनाका शारिरीक तथा खेलकुद केन्द्र सयोजक महासेनानी मुनाल बस्नेतले जानकारी दिए ।उनका अनुसार अन्तराष्ट्रिय ट्री एडभेन्चर प्रतियोगितामा ४ देशका २२ टिमको सहभागी रहेको थियो ।जसअन्तर्गतको प्रतियोगितामा अन्तराष्ट्रिय टोली ४ टिम र १३ टोली राष्ट्रिय रहेका छन् । यस्तै,महिला तर्फ ५ राष्ट्रिय टोलीले सहभागी जनाएका थिए । प्रतियोगितमामा बेलायतका ४,भारतका २,बङ्लादेशका २ गरी कुल ४४ खेलाडीले एडभेन्चर प्रतियोगितमा भाग लिएको महासेनानी मुनाल बस्नेतले जानकारी दिए ।

मुस्ताङमा सम्पन्न प्रथम अन्तराष्ट्रिय ट्री एडभेन्चर प्रतियोगितामा १ सय मिटर क्लाईमिङ,४ दशमलव ७५ किमी रनिङ र १५ दशमलव ३५ किमी साईकलिङ गरी २० दशमलव १० किमी दुरीमा ३ वटा ईभेन्ट समावेश गरिएको थियो । नेपाली सेनाको पश्चिम दिशाको ब्यारेक पछाडीको पहाड चढेर क्लामिङ गर्दै जोमसोमदेखि उत्तर पान्डाखोलासम्मको ४.७५ किमी रनिङ गर्दै जोमसोम ,ठिनी,ढुम्बा र स्याङ हुँदै पुन नेपाली सेनाको क्याम्पसम्म अन्तिम दुरी निर्धारित गरिएको थियो ।
प्रथम अन्तराष्ट्रिय ट्री एडभेन्चर प्रतियोगिताका खेलाडीलाई पुरस्कार हस्तान्तरण गर्दै नेपाली सेनाका प्रधान सेनापती प्रभुराम शर्माले पर्वतीय खेलकुद प्रर्वद्धन गर्ने उद्देश्यले नेपाली सेनाले प्रतियोगिता आयोजना गरेको बताए । उनले पर्वतीय खेलकुदले पर्यटन प्रर्वद्धन गर्न सघाउ पू¥याउने उनको भनाई थियो ।अर्थ सचिव किरणराज शर्माले हिमाली जिल्ला मुस्ताङमा पर्वतीय खेलकुदको विकासले यहाँको पर्यटनमा सहयोग पुग्ने विश्वाश व्यक्ति गरे ।