पोखरा ।
पोखरा महानगरपालिकाको मेयरमा सत्ता गठबन्धनका उम्मेदवार धनराज आचार्य निर्वाचित बने । मेयरमा २३ जनाको उम्मेदवारी परेको थियो । उन्नत लोकतन्त्र पार्टीका तर्फबाट उम्मेदवार बनेका आशीष थापा श्यामले निर्वाचन परिणाम आएको भोलिपल्नै खर्च वितरण सार्वजनिक गरेका छन् ।

उनले ९७ हजार ३ सय १५ रुपैयाँ खर्च भएको सामाजिक सञ्जालमार्फत सार्वजनिक गरेका हुन् । थापाले सबैभन्दा बढी खर्च सवारी साधन तथा डिजिटल प्रचारमा २० हजार भएको जनाएका छन् । इन्धनतर्फ १० हजार, झण्डा ९ हजार, साउन्ड सिस्टम ३ हजार, खाना खाजा १० हजार, ब्यानर तथा पर्चामा १३ हजार २ सय ६५, कार्यालय सञ्चालनमा ४ हजार ५ सय ५०, यएसबी खरीदमा ५ सय र अन्यतर्फ ७ हजार रुपैयाँ थापाले खर्च गरेका छन् ।

थापाले मत दिने सबैलाई धन्यवादसमेत दिएका छन् । थापाले ६४ मत प्राप्त गरेका थिए ।