पोखरा ।

नवनिर्वाचित मेयर धनराज आचार्यले लेकसाइडको सडकका डिभाइडरमा रोपेका फूल चोरीको आरोप लागेका व्यक्ति स्थानीयले वडा प्रहरी कार्यालय बैदाममा बुझाएका छन् ।

फूल चोरी भएको अर्को दिन फेला परेका हुन् । ताल बाराही माविको व्यायामशाला नजिक झोलामा राखिएको अवस्थामा सोमबार फूल भेटिएको हो ।

स्थानीयले सिसी क्यामेराबाट फूल चोर खोजेका थिए । पोखरा ६ का पूर्व वडासदस्य हरि पहारी र स्थानीय राजेन्द्र तिवारीले व्यायामशाला नजिक झोलामा राखिएको अवस्थामा फूल भेटी वडा प्रहरी कार्यालय वैदामलाई बुझाएका थिए । उनीहरुले चोरी गरेको आरोप लागेका व्यक्तिसमेत समातेर भेटेर प्रहरीलाई बुझाएका थिए । ती व्यक्ति सडकमै बस्दै आएको तिवारीले जनाए ।

मेयर आचार्यले सपथ ग्रहणपछि पदभार ग्रहणअघि लेकसाइडको ती सडक डिभाइडरमा फूल रोपेका थिए । उनले पोखरालाई फूलैफूलको सहर बनाउने घोषणा पनि गरेका थिए । मेयर आचार्यले चुनाव अघि जारी गरेको घोषणा पत्रमा एक टोल एक बगैंचा र एक घर ५ गमला र एक फक्रेको फूल कार्यक्रम ल्याइने उल्लेख गरेका थिए ।