पोखरा ।
पोखरा महानगरपालिकाको नगर कार्यपालिकाका ८ पदका लागि १६ जनाको उम्मेदवारी परेको छ । महिला सदस्यतर्फ ५ जनाका लागि ८ जना र अल्पसंख्यक सदस्यतर्फ ३ पदाका लागि ५ जनाको उम्मेदवारी परेको मुख्य निर्वाचन अधिकृतको कार्यालयले जनाएको छ ।

मुख्य निर्वाचन अधिकृत श्रीकृष्ण भट्टराईका अनुसार ८ जनाका लागि नेकपा एमालेले सबै पदमा उम्मेदवारी दिँदा कांग्रेसले ५, माओवादी, जनता समाजवादी र एकीकृत समाजवादीले १÷१ पदमा उम्मेदवारी दिएका छन् ।

५ महिला सदस्यका लागि एमालेबाट धनकुमारी पोख्रेल, निर्मला पौडेल, भीमकुमारी पुन गर्बुजा, मन्दिरा परियार र हरिमाया विश्वकर्माले मनोनयन दर्ता गराएका छन् । कांग्रेसबाट डाल्डादेवी भुजेल, दुर्गादेवी केसी, पवित्रा थापा, भावना श्रेष्ठ र रनसुवा गुरुङले मनोनयन दर्ता गराएका छन् ।

३ दलित वा अल्पसंख्यक सदस्यका लागि एमालेबाट गोविन्द तुलाचन, दीपक घिमिरे र निर्मल दियाली, माओवादीबाट भीमबहादुर सार्की, जनता समाजवादीबाट पानबहादुर घर्ती र एकीकृत समाजवादीबाट लालबहादुर विकले मनोनयन दर्ता गराएका छन् । नगर कार्यपालिकको निर्वाचन १८ जेठमा हुने तय छ ।