जोमसोम–४९ औं विश्व वातावरण दिवसको अवसरमा मुस्ताङको घरपझोङ–४ जोमसोम स्थित शालिग्राम उद्यान पार्कमा आईतबार वृक्षारोपण तथा सरसफाई गरिएको छ ।डिभिजन बन कार्यालय मुस्ताङको आयोजना तथा अन्नपूर्ण सरक्षणक्षेत्र आयोजना,ईलाका सरक्षण कार्यालय जोमसोमको सहआयोजनामा भएको वृक्षारोपण तथा सरसफाई कार्यक्रमको समन्वय जिल्ला प्रशासन मुस्ताङले गरेको थियो ।
विश्व वातावरण दिवस मार्च ५ तारिख २०२२ को अवसरमा ‘पृथ्वीको सरक्षण ःदिगो प्रकृतिमैत्री जीवनयात्रा’नारासहित जिल्ला प्रशासन कार्यालय पछाडीपट्टी रहेको शालिग्राम उद्यान पार्कमा वातावरण संरक्षणका लागि वृक्षारोपण गरिएको हो ।वृक्षारोपण कार्यक्रममा जिल्ला स्थित सरकारी कार्यालय प्रमुख र जिल्लाका ३ वटै सुरक्षा निकायले सहभागीता जनाए ।

विश्व वातावरण दिवसमा भोटे पिपल,बैस,ओखर,धुपी,सल्ला र रुवेनिया लगायतका ६० वटा प्रजातीका विरुवा रोपण गरिएको डिभिजन बन कार्यालयका प्रमुख बशन्तकेशव अधिकारीले जानकारी दिए ।उनले दिवसको अवसरमा यसअघि लगाएका पुराना विरुवाहरुको गोडमेल र सिचाईको व्यवस्थापन समेत गरिएको उनले बताए ।

यस्तै,वातावरण दिवसको अवसरमा शनिवार र आईतबार स्थानीय प्रशासनको समन्वयमा जिल्ला स्थित सरकारी कार्यालय र सुरक्षा निकायको टोलीले जोमसोम बजार र कालिगण्डकी नदीको तटीयक्षेत्रमा ब्यापक सरसफाई गरिएको मुस्ताङका प्रमुख जिल्ला अधिकारी नेत्रप्रसाद शर्माले जानकारी दिए ।