पोखरा ।
पोखरा २५ हेम्जामा गुडिरहेको मोटरसाइकल अनियन्त्रित भइ पल्टिँदा मोटरसाइकलमा सवार एक जनाको मृत्यु भएको छ भने एकजना गम्भिर घाइते भएका छन् ।

सोमबार राति नौडाँडाबाट पोखरातर्फ जाँदै गरेको ग १० प ७६६६ नम्बरको मोटरसाइकल अनियन्त्रित भई पल्टिँदा गम्भीर घाइते भएका २७ वर्षीय अक्षयराज कुँवरको उपचारका क्रममा मणिपाल शिक्षण अस्पतालमा मृत्यु भएकाे प्रहरीले जानकारी दिएको छ ।

गम्भीर घाइते भएका ३५ वर्षीय दिलिप कुँवरको सोही अस्पतालमा उपचार भइरहेको छ ।