पोखरा ।
गण्डकी प्रदेशको वर्तमान सरकारको अन्तिम नीति तथा कार्यक्रम आज गण्डकी प्रदेश सभामा सार्वजनिक हुँदै छ । संघीय संरचना कार्यान्वयसँगै बनेको प्रदेश सरकारको पहिलो कार्यकालको यो अन्तिम नीति तथा कार्यक्रम हो । आर्थिक वर्ष २०७९-८० को नीति तथा कार्यक्रम प्रदेश प्रमुख पृथ्वीमान गुरुङले मंगलबार गण्डकी प्रदेश सभामा प्रस्तुत गर्ने कार्यक्रम छ ।

गण्डकी प्रदेशका मुख्यमन्त्री कृष्णचन्द्र नेपाली पोखरेल नेतृत्वले मंगलबार प्रदेश नीति तथा कार्यक्रम ल्याउन लागेको हो । यो सरकारको नीति तथा कार्यक्रम पहिलो पटक हो । प्रदेश नीति तथा कार्यक्रम पाँचौं हो । यसबिचमा गण्डकी प्रदेशमा दुई पटक प्रदेश सरकार र चारपटक प्रदेश प्रमुख फेरिएका छन् । पृथ्वीमान गुरुङ गण्डकीका चौथौं प्रदेश प्रमुख हुन् ।

उनीअघि बाबुराम कुँवर, अमिक शेरचन र सीता पौडेल प्रदेश प्रमुख थिए । प्रदेश सरकारले ल्याउन लागेको नीति तथा कार्यक्रम प्रदेश र संघको निर्वाचन लक्ष्ति ल्याउन लागेको सत्ता पक्षकै सांसदहरुले बताएका छन् । प्रदेश सरकारले विगतमा दिँदै आएको कृषि अनुदान कटौति गरेको प्रदेश सरकारको एक मन्त्रिले जानकारी दिए ।

नीति तथा कार्यक्रममा आर्थिक प्रदेशमा रोजगार सृजना गर्ने, दक्ष कामदार उत्पादन गर्ने, कृषि उत्पादन, रोजगार र प्रदेशका राजस्व वृद्धिलाई प्रदेश सरकारले प्रथामिकता दिएको प्रदेश नीति तथा योजना आयोगका कर्मचारीले जनाकारी दिए । ती कर्मचारीका अनुसार प्रदेश नीति तथा कार्यक्रममा पूराना प्रदेश गौरवका योजनाहरुलाई निरन्तरता दिएको छ । कतिपय योजनाहरुलाई दोहोरिएको छ ।

प्रदेश सरकारले यो भन्दा अघि नीति तथा कार्यक्रममा समेटेका योजनाहरु कार्यान्वयन चरणमा समेत गएका छैन् ।