पोखरा ।
पोखरामा रहेको गुफा क्षेत्र संरक्षण तथा सामुदायिक विकास संस्थाले पोखरा १६ का नव निर्वाचित जनप्रतिनिधिलाई सम्मान गरेको छ । कार्यक्रममा वडाध्यक्ष अमृत शर्मा तिमिल्सिना सहित सदस्यलाई संस्थाका अध्यक्ष अनिल बस्नेत, संस्थापक अध्यक्ष गोविन्दबहादुर बस्नेत र समाजसेवी प्रेमराज अधिकारीले सम्मान गरे ।

वडाध्यक्ष तिमिल्सिनाले पोखरा १६ को समग्र विकासका लागि आफू प्रतिवद्ध रहेको बताए । उनले गुफा पोखराको पर्यटकीय गहना भएकाले पोखरामा रहेका गुफाको थप विकासका लागि दुवै सरकारसँग आवाज उठाउने उल्लेख गरे ।

संस्थाका अध्यक्ष अनिल बस्नेतको अध्यक्षतामा भएको कार्यक्रममा वडा सदस्य मञ्जु नेपाली। राजकुमारी बानियाँ, महेन्द्र गुफा चमेरे गुफा पर्यटकीय विकास समिति संयोजक गुरूदत्त भट्टराई, विकास उपसमितिका पूर्व संयोजक सुवासबाबु अधिकारी, संस्थाका संस्थापक अध्यक्ष गोविन्दबहादुर बबस्नेत, पूर्व अध्यक्ष केशवबहादुर बस्नेत, सदस्य विजय सापकोटा, उपाध्यक्ष एकराज नेपाली लगायतले गुफा क्षेत्रको विकासका लागि नव निर्वाचित जनप्रतिनिधिको ध्यानाकर्षण गराएका थिए ।