पोखरा ।
शाइन रेसुंगा डेभलपमेन्ट बैंक लिमिटेडले आफ्ना ग्राहकलाईसुविधासहितको विशेष छुट दिने उद्देश्यले पोखराका विभिन्न संस्थासँग सम्झौता गरेको हो ।

शाइनले अन्नपूर्ण केवलकार प्रालि, टीका रिसोर्ट, होटल दियो प्रालि, होटल ड्रिम लेक र फरेस्ट स्पोर्स एन्ड रिक्रियसन सेन्टरसँग सम्झौता गरेको छ । शाइनका ग्राहकले अन्नपूर्ण केवलकारको टिकट शुल्कमा १० प्रतिशत, टीका रिसोर्टको बि एन्ड बि शुल्कमा ३० प्रतिशत र अन्य मेनुमा २० प्रतिशत, होटल दियो र होटल ड्रिम लेकका सबै शुल्कमा १५ प्रतिशत र फरेस्ट स्पोर्स एन्ड रिक्रियसनको रेस्टुरेन्ट मेनुमा १० प्रतिशत, पौडी शुल्कमा २० प्रतिशत र अन्य खेलको शुल्कमा १५ प्रतिशत छुट पाउने छन् ।

बैंकले डिजिटल कारोबारलाई प्रोत्साहन गर्नका लागि भिसा नेटवर्कमा आवद्ध जुनसुकै बैंक तथा वित्तीय संस्थाको एटिएम मेसिनबाट डेबिट कार्डको प्रयोग गरी निःशुल्क रकम झिक्न सकिने व्यवस्था गरेको छ ।