कुश्मा ।

जिल्ला समन्वय समिति गठन गर्न पर्वतमा सत्ता गठबन्धन र नेकपा(एमाले) गोलाप्रथाबाट प्रमुख, उप्रमुख लिने सहमति भएको छ । सहमतिअनुसार गोलाप्रथा गर्दा प्रमुख नेकपा(एमाले)को भागमा परेको छ । उपप्रमुख सहित बहुमत सदस्य गठबन्धनको भागमा परेको छ ।
जिल्ला समन्वय समितिमा एमाले र गठबन्धनका बिचमा समान ७ मत रहेका कारण सर्वसम्मत उमेदवारी दिने सहमति भएको हो । प्रमुख र उपप्रमुखको टुंगो लगाउने क्रममा गोलाप्रथाबाट एमालेको भागमा प्रमुख र गठबन्धनलाई उपप्रमुख परेको छ ।

एमालेबाट प्रमुखमा बिष्णुराम विक र गठबन्धनबाट उपप्रमुखमा सोम जिसीले उमेदवारी दिने तयारी छ । एमालेले ३ सदस्य र गठबन्धनले ४ सदस्यलाई उमेदवार बनाउने सहमति पनि भएको छ ।