पोखरा । पोखरा ३३ साबिक भरतपोखरीमा तुलसी बीजारोपण गरिएको छ । नेपाल विज्ञान तथा प्रविधि प्रज्ञा प्रतिष्ठान (नास्ट) र बरपाण्डेथुम ज्येष्ठ नागरिक चौतारीको सहकार्यमा कार्यक्रम भएको हो ।

‘खाद्य हरियाली सहर कार्यक्रम’ अन्तर्गतबरपाण्डेथुम ज्येष्ठ नागरिक चौतारीले तुलसी बीज रोपण एवं पोखरा महानगरपालिका वोडा नं. ३३ का वडाध्यक्ष रामचन्द्र अधिकरी,सदस्यहरु प्रकाश कार्की, विनोद भण्डारी, दुर्गा केसी र लीला नेपालीलाई सम्मान गरेको छ ।

वडाध्यक्ष अधिकारी र बरपाण्डेथुम ज्येष्ठ नागरिक चौतारी अध्यक्ष केशवराज लम्सालले तुलसीको बीज छरेर कार्यक्रम सुरुआत गरे । वडाबासीका आयआर्जन हुने जुनसुकै राम्रा काममो सहकार्य गर्ने अधिकारीले प्रतिवद्धता जनाए ।

अध्यक्ष लम्सालले गत वर्ष साना ठूला गरेर ३ टनेलमा लगाइएको तुलसी खेतीबाट लगभग ८० हजारआम्दानी गर्न सफल भएको सुनाए । बरपाण्डेथुम ज्येष्ठ नागरिक चौतारीले आफ्नो सेवा क्षेत्रका करिब२ सय घर परिवारलाई गत चैतमा तुलसी चिया सित्तैमा वितरण गरेको थियो ।

लम्सालले यो पटक पनि चौतारीले प्रति घर ५० तुलसीका विरुवा वितरण गर्ने र स्थानीयलाई तुलसी खेतीप्रति आकर्षण गर्ने बताए ।बिरुवा रापेको ८० देखि ९० दिनमा टिपेर बिक्रीका लागि तयार हुन्छ । तयार भएको तुलसीको बजारीकरणको जिम्मा बरपाण्डेथुम ज्येष्ठ नागरिक चौतारीले लिनेछ ।

तुलसीको पातबाट चिया र तुलसी बिउको माग अत्यधिक रहेकाले उत्पादन बजारिकरणको समस्या नरहेको चौतारीका सचिव मोती भुजेलले बताए । तुलसीको खेती नै गरिन्छ भन्ने अहिले थाहा पाएको बताउँदै गैरी भन्ज्याङ काफलडाँडा वन उपभोक्ता समूहका अध्यक्ष नीलराज आचार्यले यसका लागि आवश्यक सहयोग गर्ने प्रतिवद्धता गर ।