पोखरा । पोखरामा रहेका बिभिन्न कलेजमा अध्ययन गर्ने विद्यार्थीका लागि निशुल्क कम्प्युटर तालिम सुरु भएको छ । प्राज्ञिक विद्यार्थी परिषद् नेपाल पोखरा महानगर कमिटीले ४५ दिने निशुल्क तालिम बिहिबारबाट सुरु भएको जनाएको छ ।

कार्यक्रम संयोजक दिप्सन गुरुङले तालिममा २५ विद्यार्थीको सहभागिता रहेको बताए । कार्यक्रममा पृथ्वीनारायण क्याम्पसका वनस्पति पिभागका उपप्रध्यापक कल्याण पन्त, क्यान कास्की निर्वतमान अध्यक्ष युवराज पौडेल र प्राज्ञिक विद्यार्थी परिषद् गण्डकी उपाध्यक्ष दीपक रेग्मीले तालिमको महत्वबारे बोलेका थिए ।

प्राज्ञिक विद्यार्थी परिषद्का सदस्य जीवन नेपाली र डिल्लीराम ढकालले तालिममा प्रशिक्षण दिएका छन् ।