पोखरा ।
सत्ता पक्षकै सांसद ओमकला गौतमले गण्डकी प्रदेश सरकारले ल्याएको नीति तथा कार्याक्रम दिवा सपना देखेर ल्याएको बताएकी छन् । प्रदेश प्रमुख पृथ्वीमान गुरुले जेठ २४ गते प्रदेशसभामा पेश गरेको आर्थिक वर्ष ०७९÷८०को नीति तथा कार्यक्रममा माथी छलफल भाग लिँदै गौतमले मुख्यमन्त्री कृष्णचन्द्र नेपाली पोखरेल नेतृत्वको सरकारले दिवा सपना देखेर ल्याएको नीति तथा कार्यक्रम समग्र प्रदेशबासीको हित केन्द्रित भएको बताइन् ।

‘विगतको तुलनामा यो सरकारले ल्याएको नीति तथा कार्यक्रम उत्कृष्ट छ । यो गण्डकी प्रदेशका सबै नागरिकलाई सुखी र सम्पन्न बनाउने खालको छ,’ उनले भनिन्, ‘यसको अक्षरस पालना होस् शुभकामना छ ।’

एमालेका सांसदले प्रदेश सरकारले दिवा सपना देखेर योजनाहरु कुनठित गर्ने खालको टुक्रे योजनालाई प्राथमिकता दिएको र जनताको आवश्यकतालाई मध्यनजर नगरको बताएका थिए ।

नेपाली कांग्रेस गण्डकी प्रदेशकी प्रमुख सचेतक समेत रहेकी गौतमले प्रदेश सरकारले दिउँसोमा सपना देखेर नीति तथा कार्यक्रम नल्याए प्रदेशको समृद्ध आउन नसक्ने उनले बताइन् ।

‘रातमा देखेको सपनाले केही पनि गर्न सक्दैन । दिउँसोमा सपना देखेर कार्यदिशा कोरेर ननिदाएको बेलामा आँखा ट्वालट्वाल हेरेर ल्याउने हो,’ उनले भनिन्, ‘आँखा चिम्लेर राति सपनादेखेर यो प्रदेशको समृद्धि आउन सक्दैन । सुखी नेपाली समृद्ध प्रदेश बन्न सक्दैन ।’ एमाले सांसद रोशनबहादुर गाहा थापाले विगतको नीति तथा कार्यक्रम समिक्षा नगरीकन यो पटक कार्यक्रम आएको बताए । ‘स्वंम सत्ता पक्षकै सांसदले विरोध गर्नुभएको । नीति तथा कार्यक्रममा जनताप्रतिको अविश्वास छ । यसले जनु खालको दिसा निर्देशित गर्नुपर्ने थियो त्यो खालको ल्याउन सकेन,’ उनले भने ।

प्रदेशबासीलाई विश्वास दिलाउन नसक्ने खालको नीति तथा कार्यक्रम ल्याएको उनले आरोप लगाए । ‘सरकार सबैको विश्वास गह्रण गर्न सक्नुपर्छ । नीति तथा कार्यक्रममा पूर्वाग्रही साधने गरी ल्यायो,’ उनले भने ।

नीति तथा कार्यक्रम देखाउनका लागि मात्र आएकाले साच्चिकै काम गर्नको लागि नीति तथा कार्यक्रम नआएको माओवादी सांसद दीपक कोइरालाले बताए । उनले अब आउने नीति कार्यक्रम काम गर्नका लागिमात्र ल्याउन बताए । ‘हाम्रो कस्तो कार्यशैलीले नीति तथा ल्यायौं त्यो हेर्न पर्छ । यो सरकारले यस्तो योजनाहरु ल्यायो भन्दा पनि आफुले सत्तामा हुँदा कस्ता योजना आए हेर्नुपर्छ,’ उनले भने, ‘कार्यन्वय गर्ने कुरामा हामी सबै फेल छौं । ५ वर्ष अघि नीति तथा कार्यक्रममा ल्याएको योजनाहरु अहिलेसम्म मिल्किरहेका छन् ।’

कोइरालाले ५ वर्षअघि ल्याएको योजना अहिलेसम्म पूरा नभएको बताए । ‘पाँच वर्षअघि १ करोडको पुल बनाउने योजना परेको थियो । त्यो अहिलेसम्म कार्यान्वय भएको छैन ।’ नीति तथा कार्यक्रम ल्याएका सम्पूर्ण योजनाहरु कार्यान्वय गर्न यो त्यो भन्दा पनि हामी सबैको कार्यशैली बदल्नुपर्छ ।’