पोखरा ।
चितुवाको आक्रमणबाट १ जना बालकको मृत्यु भएको छ । मंगलबार तनहुँको बन्दीपुर गाउँपालिका १ बोडीस्वाँरामा चितुवाको आक्रमणबाट पाँच वर्षीय सुप्रिम रिलामीको मृत्यु भएको बन्दीपुर गाउँपालिका अध्यक्ष सुरेन्द्रबहादुर थापाले जानकारी दिए ।

घरको आँगनमा खेलिरहेका सुप्रिम चितुवाको आक्रमणमा परेका वडाध्यक्षले थापाले बताए । ‘घरमै खेलिरहेको ४ वर्षीय सुप्रिम साँझ ५ बजेको समयमा चितुवाले समातेर २ सय मिटर पर लगेको रैछ,’ उनले भने, ‘खोजी गर्दै जाँदा शव दुई सय मिटर जंगलमा फेला परेको छ ।’

चितुवाको आक्रमणबाट वर्षेनी तनहुँमा मृत्यु हुनेसंख्या बढ्दो छ । शनिबार नै बन्दीपुर १ र आइतबार बन्दीपुर ४ मा दुई जना घाइते भएका प्रहरीले जनाएको थियो । बाघलाई नियन्त्रणमा राख्ने प्रत्येक वर्ष खोर राखेर नियन्त्रणमा लिँदा पनि प्रभावकारी हुन सकेका छैन । तनहुँबाट एघार जना बालबालिकाले ज्यान गएको प्रहरीले जानएको छ ।