पोखरा ।
पोखरा महानगरपालिका वडा नम्बर ८ का सामाजिक क्षेत्रमा क्रियाशील महिलालाई बिहीबार नेतृत्व तथा क्षमता विकास तालिम दिइएको छ । प्रगति आमा समूहले पोखरा ८ को सहयोगमा आयोजना गरेको कार्यक्रम वडाध्यक्ष रुद्रनाथ बरालले सुरुआत गरे ।
वडाध्यक्ष बरालले महिला सशक्तीकरणका लागि वडाले विभिन्न कार्यक्रम गर्दै आएको बताए ।

उनले आगामी दिनमा पनि यस्ता कार्यक्रमलाई निरन्तरता दिने जनाए । वडा सदस्य पवित्र केसी पौडेलले महिलाको नेतृत्व तथा क्षमता विकाससँगै आगमी दिनमा महिलालाई आर्थिक सशक्तीकरणका लागि सीपमूलक तालिम दिएर आत्मनिर्भर बनाउन वडाले पहल गर्ने प्रतिवद्धता गरिन् ।

गौरी चालिसे अध्यक्षतमा भएको कार्यक्रममा संस्थाका उपाध्यक्ष जानुका चालिसे र निर्वतमान सचिव कुलमाया पौडेल, प्रतिभा मिलन आमा समूहका अध्यक्ष प्रभा अधिकारी, अधिवक्ता सीता भट्टराई लगायतले बोलेका थिए । पत्रकार जमुना वर्षा शर्माले सहभागीलाई प्रशिक्षण दिएकी थिइन् ।