पोखरा । पश्चिमाञ्चल स्वास्थ्य सहकारी संस्थाको २० औँ स्थापना दिवसमा रक्तदान आयोजना गरिएको छ ।

पोखरा ९ का वडाध्यक्ष दीपेन्द्र मर्सानीले रक्तदाता संस्थाका सचिव मिलन श्रेष्ठ र ७० औं पटक रक्तदान गर्ने कृष्णबहादुर थापालाई ब्लड ब्याग हस्तान्तरण गर्दै रक्तदान सुरुआत गरे । वडाभित्र रहेका संघ, संस्थासँग सहकार्य गर्दै सामाजिक स्वास्थ्यमूलक कार्यक्रम गर्दै जाने उनले प्रतिवद्धता गरे ।

सराङकोट बहुउद्देश्यीय सहकारी संस्थाका अध्यक्ष कृष्णबहादुर थापाले सहकारीमार्फत सामाजिक उत्तरदायित्वका रचनात्मक कार्यक्रम हुनु महत्वपूर्ण भएको जनाए । संस्थाका सल्लाहकार प्राडा टुमाया घलेले रक्तदानबारे समुदायमा चेतना जरुरी हुने जनाइन् ।

संस्थाका अध्यक्ष हरिप्रसाद पाण्डेको अध्यक्षतामा भएको कार्यक्रममा उपाध्यक्ष अर्जुनप्रसाद ज्ञवाली, आकस्मिक रक्तदाता समूहका व्यवस्थापक नेत्र ढकाल, वडा सदस्य नन्दराम गिरी, संस्थाका कोषाध्यक्ष डा छममाया पुन, सहसचिव महेश ज्ञवाली लगायतले बोलेका थिए ।

२०५८ मा स्थापित यो सहकारीले सामुदायिक अस्पताल सञ्चालनसहित बचत तथा ऋण मार्फत १४ करोड कारोबार गरेको सचिव मिलन श्रेष्ठले जानकारी दिए ।