पोखरा ।
पोखराको चिप्लेढुंगामा रहेको सफल निरमाया दोहोरी सांझ तथा रेष्टुरेण्ट प्रा.लि.ले १८ औं वार्षिकोत्सवको अवसर पारी १८ औं वार्षिकोत्सव कार्यक्रम २०७९ को आयोजना गर्ने भएको छ ।

सफल निरमाया दोहोरी सांझ एण्ड रेष्टुरेण्ट प्रा.लि.ले आफ्नो स्थापनाको १७ वर्ष पार गरी १८ औं वर्षमा प्रवेश गरेको अवसर पारी आगामी असार १२ देखी १६ गते सम्म १८ औं वार्षिक उत्सव कार्यक्रमको आयोजना गर्न लागिएको प्रा.लि.का सञ्चालक जीवन गुरुङले जानकारी दिए ।

पांच दिन सम्म सञ्चालन हुने उक्त कार्यक्रममा ख्यातिप्राप्त राष्ट्रिय कलाकारहरुको विशेष प्रस्तुती रहने छ । जस अन्गर्तत असार १२ गते आशा वि.सि., १३ गते चिज गुरुङ, १४ गते गीता पाइजा, १५ गते श्याम राना मगर र प्रत्येक दिन अंशु गुरुङको नृत्य रहने समेत सञ्चालक गुरुङले जानकारी दिए ।

त्यसैगरी दोहोरी सांझका नियमित कलाकारहरु टेक क्षेत्री, टस गुरुङ, किसान नेपाली, ईन्द्रा गुरुङ, बत्ति थापा, चिना थापा, कल्पना आले, पूजा तामाङ, संगीता सुनार, प्रशान्त तामाङ, बिकास मगर, ललिता पुन, सरिता राई, गुप्त गुरुङ, विनोद गुरुङ, पाण्डव गुरुङ, युमिन्द गुरुङ र सञ्जय गायकको साथमा विभिन्न नृत्यहरु प्रस्तुती रहने आयोजकले जनाएको छ ।