पोखरा ।
पोखरा महानगरपालिका वडा नम्बर ८ मा वडा स्तरीय अपांगता सञ्जाल गठन गरिएको छ । पोखरा महानगरपालिकाको स्थानीय राजपत्र निर्देशिका अनुसार वडाका अपांगको भेलाले अध्यक्ष विष्णु सिग्देलको नेतृत्वमा सञ्जाल गठन गरेको हो ।

सञ्जालको उपाध्यक्ष प्रमिला श्रेष्ठ, सचिव सरिता सुवेदी, कोषाध्यक्ष पार्वती भुजेल र सहसचिव पार्वती श्रेष्ठ छन् । कार्यसमिति सदस्यमा कृष्ण थापा, लता श्रेष्ठ र कृष्ण कुँवर छन् । सञ्जालको संरक्षकमा वडाध्यक्ष रुद्रनाथ बराल, संरक्षक वडा सदस्य लक्ष्मी परियार, सल्लाहकारमा वडा सचिव सविता ढुंगाना र वासुदेव बराल छन् ।

पोखरा महानगरपालिकाको सामाजिक महाशाखाको आर्थिक सहयोग, वडा कार्यालयको समन्वय र गण्डकी बहिरा संघको आयोजनामा अपांगको भेला भएको हो । कार्यक्रममा वडा सदस्य लक्ष्मी परियार, वडा सचिव सविता ढुंगाना, गण्डकी बहिरा संघका अध्यक्ष आईलाल शाही, कार्यसमिति सदस्य विश्वमित्र भित्रकोटी, दोभाषे लक्ष्मी श्रेष्ठ, सिर्जनशील अपांग समाज पोखरा ३ कास्कीका अध्यक्ष जगन्नाथ सुवेदी, अपांगता वडा सरोकार समिति संरक्षक विष्णु सिग्देल र समुदायमा आधारित पुनस्र्थापना सेवाका प्रतिनिधि चन्द्रा भण्डारीले अपांगको सबालमा बोलेका थिए ।