पोखरा ।
एओजीको दोस्रो संस्करणमा ३० अपाजेका ग्राहक पोखराबाट धम्पुस पुगेका छन् । एओजी टिभिएसले आफ्ना अपाचे किन्ने ग्राहकका लागि बनाएको समूह हो । यो राइडका लागि सय जनाभन्दा बढीले फारम भरेकोमा ३० जना चयन गरिएको थियो ।
बाँकी आवेदकलाई टिभियसले भविष्यमा हुने राइडमा संलग्न गराउने जनाएको छ ।

टिभिएले आफ्ना ग्राहकका लागि विभिन्न कार्यक्रम र एड्भेन्चर राइडहरु आयोजना गर्ने गरेको छ । जगदम्बा मोटर्स प्रालि नेपालमा टिभिएस टु ह्विलरको एकमात्र आधिकारिक वितरक हो । यसका देशभर १ सय ३७ भन्दा बढी डिलर छन् । गुणस्तरीय उत्पादन, बिक्रीपछिको सेवा, देशभर पार्टपुर्जाको उपलब्धताले उपभोक्तालाई उच्चतम सेवा दिएकाले टिभिएस रोजाइमा पर्ने गरेको कम्पनीले जनाएको छ ।

कम्पनीले बागमती प्रदेशपछि गण्डकीमा एओजी राइड आयोजना गरेको हो । चाडै नारायणी, कोशी, लुम्बिनी र महाकाली पनि राइड आयोजना गरिने भएको छ । एओजीमा सहभागी भई अन्तर्राष्ट्रिय कार्यक्रममा सहभागी हुने मौका पनि पाइने कम्पनीले जनाएको छ । राइडमा सहभागीहरुलाई रोड सुरक्षाबारे प्रशिक्षणसमेत दिइएको थियो । राइडमा सुइखेत पुगेका रुपेश बस्नेतले एओजी राइड रोमाञ्चक रहेको प्रतिक्रिया दिए । उनले भने, ‘धम्पुससम्मको यात्रा रोमाञ्चक भयो । भविष्यमा पनि यस खालका कार्यक्रम हुने आशा छ ।’

कार्यक्रममा सहभागी सबैलाई टिभिएसले सित्तैमा राइडिङ गियर्स उपलब्ध गराएको छ । उनीहरुका लागि विभिन्न खेलसमेत आयोजना भएको छ । खेलका विजेतालाई पुरस्कार, उपहार प्रमाणपत्रको व्यवस्था गरिएको थियो । जगदम्बा मोटर्सका प्रतिनिधि बिक्रम शर्मा पौडेलले अपाचे राइडर्सहरुको समूह बनाएर ग्राहकलाई अझ नजिक बनाउने बताए । उनले भने, ‘यो राइड निकै रमाइलो भयो । हामीले हाम्रा ग्राहकलाई भेट्न पायौं, उहाँहरुको अनुभव पनि बुझ्न पायौं । चाडै नै अर्काे एओजी यात्रा सञ्चालन गर्ने छौं ।’