सगरमाथा साहित्य प्रतिष्ठानको अध्यक्षमा अजित उत्सव चयन भएका छन् । केन्द्रीय कार्यसमितिको भर्चुअल बैठकले अजित उत्सवलाई केन्द्रीय अध्यक्षका रुपमा चयन गरेको हो ।

शनिबार राती भएको जुम बैठकमा संस्थाका केन्द्रीय पदाधिकारी, बिभागिय प्रमुख र पदाधिकारी, नेपाल शाखाका अध्यक्ष, प्रदेश अध्यक्ष, संस्थाका केन्द्रीय संरक्षक लगायतको उपस्थिती थियो ।

प्रतिष्ठानको केन्द्रीय कार्यालय मध्यपूर्बको युएईमा छ । संस्थाले हरेक बर्ष साहित्यका विविध बिधामा अन्तर्राष्ट्रिय प्रतियोगिताको आयोजना र पुस्तक प्रकाशन गर्दै आएको छ । नेपाल लगायतका देशमा यसका शाखा छन् ।

एक दशक भन्दा बढी समयदेखी युएईमा कार्यरत अजित प्रतिष्ठानमा २०१७ बाट आबद्ध छन् । उनी यसअघि प्रतिष्ठानले आयोजना गरेको बिश्वब्यापी नेपाली कविता प्रतियोगिताको सह(संयोजक/संचार बिभाग प्रमुख समेत रहिसकेका छन् । उनी प्रतिष्ठानको नेपाल इन्चार्ज समेत हुन् ।

हालै उनको ‘आकाशगङ्गाको किनार’ कविता संग्रह बजारमा आएको छ ।