पाेखरा ।

पाेखरा महानगर पालिकाकाे बजेट पारित भएकाे छ । आज बसेकाे नगर सभाले बजेट पारित गरेकाे हाे ।

यसअघि बजेट प्रस्तुत नहुँदै राताे किताब छापिएकाे र वडाअध्यक्षहरुसँग छलफल नगरी याेजना बनाइएकाे भन्दै विराेध भएकाे थियाे । एमालेले त राताे किताब छापेकाे बिराेधमा नगर सभा नै अवरुद्ध गरेकाे थियाे ।

राताे किताब छाप्नु गल्ती भएकाे भन्दै महानगर प्रमुख धनराज आचार्य र प्रमुख प्रशासकीय अधिकृत बलराम रिज्यालले माफी मागेपछि बजेट प्रस्तुत भएकाे थियाे । साे बजेटमा परिमार्जन गरेपछि सर्बसम्मत पारित भएकाे मेयर आचार्यले जानकारी दिएका छन् ।

उनले फेसबुकमा स्टाटस लेख्दै पाेखराकाे आगामी वर्षकाे बजेट ८ अर्ब ७७ कराेड ७५ लाख ५५ हजार रुपैयाकाे भएकाे जानकारी पनि दिएका छन् । उनले बजेट पारित गर्न सहयाेग गर्ने सबैलाई धन्यवाद दिदै‌ सबैलालई एकसाथ अघि बढ्न अनुराेध गरेका छन् ।

मेयर आचार्यले गरेकाे पाेष्ट

हार्दिक धन्यवाद !!

पोखरा महानगरपालिकाको चालू एघारौं नगरसभा ८ अर्व,77 करोड 75 लाख,55 हजारको बजेट सर्वसम्मतिले पारित भएको छ। वजेट निर्माण र पारित गर्न हरतरहले सहयोग गर्नु हुने सम्पूर्ण साथिहरु लाई हार्दिक धन्यवाद ज्ञापन गर्दछु। अब नयाँ आर्थिक बर्ष सुरु हुँदै छ। सबै एकसाथ अगाडि बढौ।

सम्बृद्द पोखरा निर्माणमा हातेमालो गरौ।