पाेखरा ।

नेकपा एमालेले कास्की निर्बाचन क्षेत्र नम्बर २ बाट निर्बाचित सांसद विद्यादेवी अधिकारी भट्टराईलाई उपसभामुख पदमा निर्बाचन लडाउने भएकाे छ । प्रमुख प्रतिपक्षी दल एमालेकाे तर्फबाट उनी उमेद्वार बनेकी हुन् ।

यसैबीच उपसभामुखमा भट्टराईले मनोनयन दर्ता गराएकी छिन् । एमाले संसदीय दलका उपनेता सुवासचन्द्र नेम्वाङले एमालेबाट उपसभामुखको उम्मेदवार विद्या भट्टराई भएको जानकारी दिए ।

एमालेका लाेकप्रिय युवा नेता स्वर्गीय रवीन्द्र अधिकारीकी धर्मपत्नी भट्टराई कास्की–२ बाट उपनिर्बाचनमा विजयी भएकी हुन् । तत्कालिन पर्यटनमन्त्री रवीन्द्रकाे हेलिकाेप्टर दुर्घटनामा परी निधन भएपछिकाे उपनिर्बाचनमा उनी विजयी भएकी हुन् ।

भोलि उपसभामुखको निर्वाचन हुँदैछ । आज बिहान ११ बजेदेखि दिउँसो १ बजेसम्म मनोनयनको समय थियाे । आजै दिउँसो साढे १ बजे उम्मेदवारको सूची प्रकाशन गर्ने कार्यसूची रहेको छ ।