पोखरा ।
मुक्तिनाथ विकास बैंक र स्मार्ट च्वाइस टेक्नोलोजिज लिमिटेड (एससिटी) बीच स्मार्ट क्युआरमार्फत भुक्तानी सेवा प्रदानका लागि सम्झौता भएको छ ।

बैंकको तर्फबाट सहायक नायब प्रमुख कार्यकारी अधिकृत तिलबहादुर गुरुङ र स्मार्ट च्वाइस टेक्नोलोजिज लिमिटेडको तर्फबाट प्रमुख कार्यकारी अधिकृत नारायणप्रकाश भुजुले सम्झौतापत्रमा हस्ताक्षर गरेका छन् । भुक्तानी प्रणालीमा नगदको भौतिक प्रयोगलाई कम गर्दै विद्युतीय कारोबारलाई बढवा दिन सम्झौता गरिएको हो ।

स्मार्ट वाइस टेक्नोलोजिज लिमिटेड र बैंकबीच स्मार्ट क्युआर प्रयोगको क्षेत्रमा सहकार्य हुनेछ । बैंकले डिजिटल कारोबारलाई प्रोत्साहन गर्न यस बैंकका एटिएम कार्ड प्रयोग गरी नेपालभरी रहेका भिसा नेटवर्कका अरु जुनसुकै बैंकको एटिएमबाट सित्तैमा रकम निकाल्न सक्ने व्यवस्था गरेको छ ।