पोखरा ।
लायन्स क्लब अफ पोखरा फेवा वेगनास चौतारीले शनिबार वृक्षरोपण गरेको छ । पोखरा २८ कालिकाको विमिरापानीमा आयोजना गरिएको कार्यक्रममा बडहर, राइखनियो, इपिलइपिल, कटहर, बेलपत्र, पारिजात, अमला, टिमुर, कुरिलो, निमपत्ता, बाँस, टाँकी लगायतका गरी झण्डै १ हजार विरुवा रोपिएको हो ।

डिस्ट्रिक ३२५ जे नेपालका डिस्ट्रिक चिफ सन्तोष घिमिरेले स्थानीय रुद्रप्रसाद पौडेललाई विरुवा हस्तान्तरण गरी वृक्षरोपण सुरुआत गरे । घिमिरेले कालिकाका स्थानीयसँग जोडिन पाएकोमा खुसी व्यक्त गरे । लायन्स पोखरा सिर्जना चौतारीका पूर्व अध्यक्ष तथा डिस्ट्रिक कोचिफ जितबहादुर थापा ‘गोपाल’ले एकै पटक झण्डै हजार विरुवा संकलन गरेर स्थानीयलाई समेत अपनत्व हुने गरी कार्यक्रम हुनु उल्लेखनीय भएको बबताए ।

क्लब अध्यक्ष राजाराम पौडेलले आफ्नै ठाउँमा केही गरौं भन्न सोचका साथ कार्यकालको पहिलो कार्यक्रम गरेको जनाए ।
कार्यक्रममा डिस्ट्रिक मेम्बर तथा क्लबका निवर्तमान अध्यक्ष महेश्वर रिमाल, क्लबका उपाध्यक्ष चित्रबहादुर गुरुङ, सचिव टीकाबहादुर लम्साल, कोषाध्यक्ष महेश सुनार, कृष्णप्रसाद पौडेल, सुरज पौडेल लगायतले बोलेका थिए ।