पोखरा ।
नेपालका प्रथम जननिर्वाचित प्रधानमन्त्री विश्वेश्वरप्रसाद कोइरालाको ४० औं स्मृति दिवसको अवसरमा रक्तदान आयोजना गरिने भएको छ । नेपाली कांग्रेस कास्कीको सहयोग, क्षेत्रीय समितिहरुको समन्वय र पोखरा महानगर समितिको आयोजनामा साउन ६ गते रक्तदान हुने भएको हो ।

रगतको महत्व महसुस गर्दै कार्यक्रम गर्न लागिएको नेपाली कांग्रेस पोखरा महानगर कोषाध्यक्ष सम्मरबहादुर श्रेष्ठले जानकारी दिए । नेपाली कांग्रेस पोखरा महानगर सभापति सुरेन्द्र बिजुक्छेले कार्यक्रम सफल बनाउन पोखरा महानगरका कार्यसमिति सदस्य तथा सबै वडा इकाई सभापति र क्रियाशील सदस्यलाई आग्रह गरेका छन् ।