श्रीलंकाकाे राष्ट्रपतिमा रनिल विक्रमासिंघे निर्वाचित

समाधान संवाददाता २०७९ साउन ४ गते १३:१५

पाेखरा ।

चरम आर्थिक संकटमा परेकाे श्रीलंकाको नयाँ राष्ट्रपतिमा रनिल विक्रमासिंघे निर्वाचित भएका छन्। श्रीलंकाबाट भाग्न बाध्य भएका प्रत्यक्ष निर्बाचित राष्ट्रपति गाेटाया राजापाक्षे कै पार्टीकाे सर्मथनमा उनी राष्ट्रपतिमा निर्बाचित भएका हुन् ।

बुधबार संसदमा भएको चुनावमा दुई प्रतिष्पर्धीलाई हराउँदै कार्यवाहक राष्ट्रपति रहेका विक्रमासिंघे राष्ट्रपति चुनिएको न्युजवायरले जनाएको छ। विक्रमासिंघेले १३४ मत पाएका छन्। यसअघि उनी ६ पटक श्रीलंकाको प्रधानमन्त्री बनेका थिए।

सरकार विरुद्धकाे आन्दाेलनमा सडकमा उत्रिएकाहरुले विक्रमासिंघेलाई राष्ट्रपति चाहेका छैनन् । तर वैधानिक संसदले पूर्वराष्ट्रपतिले नै प्रधानमन्त्री नियुक्त गरेका उनलाई राष्ट्रपति बनाएपछि श्रीलंकाकाे आन्दाेलन के हाेला भन्ने अन्याैलता कायमै रहेकाे छ ।

तपाईको प्रतिक्रिया