कास्कीको अन्नपूर्ण गाउँपालिकाले आर्थिक वर्ष ०७७/७८ मा गरिबी निवारणको लागि लघुउद्यम विकास कार्यक्रममा आएको बजेट बैठक खर्च र खाजा खर्चमा खर्च गरेको पाइएको छ । गाउँपालिकाले उक्त आव ०७७/७८ मा लघुउद्यम विकास कार्यक्रममा २ लाख ५२ हजार १७७ खर्च गरेको छ ।

उद्यमीहरुलाई तालिम सञ्चालन गर्नुपर्नेमा बैठक भत्तामा १ लाख ८७ हजार ५०० र विविध खाजा खर्चमा ६४ हजार ६७० भुक्तानी भएको छ । २०७७/७८ मा अन्नपूर्ण गाउँपालिका अध्यक्ष युवराज कुँवर थिए ।

गाउँपालिकाले कार्यक्रमको उद्देश्य विपरीत खर्च गरेको पाइएको हो । महालेखा परीक्षकले तालिम सञ्चालन गर्नुपर्ने बजेटले बैठक भत्ता र खाजा खर्च गर्नु उचित नभएको जनाएको छ । यस्ता प्रकारको खर्च नियन्त्रण गरी कार्यक्रमको उद्देश्य अनुसार कार्यक्रम गरिनुपर्नेमा महालेखाले जोड दिएको छ र