स्याङजा ।
अर्जुन चौपारी गाउँपालिकाले घुम्ती वडा कार्यालय सुरुवात गरेको छ । राज्य पुनर्संरचनाका क्रममा वडा कार्यालयबाट टाढा रहेका गाउँमा वडाको सेवा पुर्‍याउने उदेश्यले घुम्ती वडा कार्यालय थालिएको हो । पालिकाको पहलमा वडा नम्बर ३ ले वडा कार्यालयबाट टाढा रहेको आग्रीखर्कमा घुम्ती वडा कार्यालय चलाइएको छ ।

वडा कार्यालय सिमलचौरबाट सबैभन्दा टाढा अर्थात सवारीसाधनबाट डेढ घण्टामा पुगिने आग्रीखर्क पर्वतको महाशिलासँग जोडिएको गाउँ हो । वडा नम्बर ३ ले आग्रीखर्कका ५ वर्षभन्दा पहिलाबाट मोलपोत कर नदिएका ४९ घरधुरीमा मालपोत सेवा दिएको हो । वडाले पहिलो चरणमा मालपोत कर गाउँमा पुगेर लिएको बताउँदै वडाध्यक्ष शोभाकान्त काफ्लेले अब जन्म दर्ता, मृत्यु दर्ता, नाता प्रमाणित, सामाजिक सुरक्षा भत्ता दस्ता सेवा महिना महिनामा पुगेर दिइने बताए ।

पालिका अध्यक्ष प्रकाश तिवारीले अब सेवाबाट टाढा रहेका टोल टोलमा पुगेर सेवा दिने बताए । ६ वटा वटा रहेको पालिकाका दुर्गम आग्रीखर्क जस्तै राम्चे, निबुवाबोट, सिर्घु, दारेगौडा जस्ता टोलमा पुगेर हरेक महिना अत्यावश्यक सेवा दिइने पालिकाले जनाएको छ ।